Në mbledhjen e sotme në Komisionin e Ekonomisë dhe Financave, Erion Braçe trajtoi disa shqetësime dhe problematika me të cilat sipas tij po përballen bujqit në vend.
Gjatë fjalës së Braçe tha se sektori i bujqësisë është një ndër të cilët ka me shumë vështirësi dhe problematika.
“Ndryshimet e klimës po ç’fazojnë çdo lloj cikli prodhimi në Bujqësi për shkak të temperaturave tmerrësisht të larta që padiskutim u kanë bërë dëme bujqve dhe blegtorëve. Do merremi njëherë ne me këtë gjë për t’i ndihmuar, të ulemi me universitetin Bujqësor dhe të bëjmë një lloj sutimi për të ndihmuar bujqit?
Me dëmet kolosale që ne kemi bërë sidomos me ndërtimin e hidrocentraleve në cdo lloj rrëkeje, burimet ujore do të kufizohen akoma më shumë. Sot Lushnja është e varur totalisht nga hidrocentrali i Banjës, ndërkohë që janë ndërtuar edhe 4 hidrocentrale të tjera. Do mendojmë për burimet ujore edhe sa i përket ujërave të fushave apo jo? Sepse do na ngelen fushat djerrë. Nuk kemi as ujë për vaditje.
Nuk e di e sata ministre e Bujqësisë jeni, janë disa kontrata bujqësie që kanë përfudnuar në duart e gabuara. Sot që flasim këto toka janë djerrë. Ka mundësi që ju të auditoni sa më shpejt këto kontrata? Dhe të prishni kontratat ku ju rezultojnë persona të papërshtatshëm po them unë sepse janë banditë. Mos të presim që SPAK të vërë gjëndjen e sekuestros ndaj tyre. Nga poshtë në Përmet e deri sipër lart.
Pra të bëhet një auditim i vlefshmërisë i këtyre kontratave në raport me detyrimet kontraktuale që kanë patur për të ushtruar në veprimtarinë bujqësore dhe shteti të paktën të marrë mbrapsht ato që i takojnë. Askush nuk bën asgjë ndërsa në zona si puna e Fierit edhe vriten për këto gjëra.
Të kthejmë mbrapsht këto toka të cilat mund të përdoren fare thjesht nga njerëzit dhe komunitetet e atyre zonave për të bërë bujqësi dhe të sigurojnë jetesën”, tha Braçe.
