Një ngjarje e rëndë ka tronditur Borshin në orët e para të mëngjesit. Një person ka mbetur i vdekur dhe tre të tjerë janë plagosur me thika në fshatin Borsh të Sarandës.
Mësohet se te rinjtë janë grindur mes tyre rreth orës 01:30 të mëngjesit e më pas sherri ka përfundur duke përdorur armë të ftohta.
Si pasojë e plagëve të marra nga goditja me thikë ka mbetur i vrarë 31-vjeçari Premtim Bega ndërsa tre të tjerë kanë mbetur të plagosur. Të plagosurit janë Enea Myftari, Eduard Myftari dhe Donald Kosta.
Në konflikt janë përfshirë 7 persona. Policia është në vendin e ngjarjes dhe po vijon hetimet për të zbardhur më tej atë çka ndodhi mes të rinjve.
Ndërkohë është shpallur në kërkim edhe autori i dyshuar i ngjarjes 45-vjeçari Thanas Hodo.
