Së fundmi në emisionin “Goca&Gra” ka qenë i ftuar moderatori i njohur, Eno Popi.
Mes pyetjeve të shumta, Eno u përball me pyetjen se cilën do të zgjidhte mes dy moderatoreve, Bora Zemanin apo Arbana Osmanin.
Moderatori zgjodhi Arbanën për të cilën tha se vitet e miqësisë flasin vetë.
“Janë disa gjëra që janë afërmendsh. Me një njeri që vitet flasin, pyetja ndonjëherë nuk bën sens”, tha ai.
Pavarësisht zgjedhjes së tij, Eno foli fjalë të mira dhe për Borën, ku u shpreh se është shumë bashkëpunuese dhe ia bën punën më të lehtë.
“Bora është një vajzë me të cilën kisha një njohje rastësore në të shkuarën. Pikat e takimit kanë qenë shumë të rralla dhe tani na u desh të punonim ngushtësisht. Kam gjetur një njeri shumë bashkëpunues, mirëkuptues, është shumë e qartë për gjërat që bëjmë. Ku ka më mirë se të gjesh dikë që thelbësisht është e qartë me veten dhe ta bën më të lehtë bashkëpunimin”, u shpreh ai.
