Bora Zemani është një nga emrat e shoëbizit shqiptar që keni dëgjuar më së shumti muajt e fundit. Pas përfundimit të emisionit të dashurisë “Për’puthen”, moderatorja po shijon disa ditë relaksi. Ajo së bashku me djalin e saj, Arborin ndodhen në Turqi për pushime.
Së fundmi në llogarinë e saj në rrjetin social Instagram Bora ka ndarë me ndjekësit disa fotografi me bikini. Moderatoja ka pozuar nga ballkoni i resortit ku është vendosur, ku duket me bikini të zinj të thjeshtë dhe një fustan rrjetë të së njëjtës ngjyrë sipër.
Ndërkohë krahas postimit të bërë moderatorja ka bërë edhe shkrimin e papritur që lë të nënkuptohet shumë për raportin e saj me aktorin e humorit Donald Veshaj.
“Personi që po telefononi për momentin nuk mund të përgjigjet! Ju lutem lini mesazhin tuaj pas sinjalit… beeep!”
Kaq ka mjaftuar, edhe ndjekësit kanë nisur të aludojnë se i dedikohet Donaldit, i cili ndodhet në Tiranë duke u marrë me emisionin “Më lërë të flas”. Shumë prej komenteve thonë se Donaldi duhet ta shoqëronte, pasi siç është kohët e fundit çifti janë rikthyer sërish bashkë.
Por, me sa duket Bora po kalon kohë vetëm me djalin e saj, ndërsa nga pamjet duket se Donald Veshaj nuk ndodhet me to. Nuk dihet nëse në vijim edhe aktori do t’i bashkohet moderatores në Turqi.
