Aviacioni sirian, në bashkëpunim me rusët, vijon bombardimet ndaj rebelëve.
Por, sot ata kanë bombarduar dy spitale, duke shkaktuar 20 të vdekur.
Bombardimet janë kryer në qytetin e Azazit, në kufi me Turqinë dhe në rajonin e Idlibit.
Mes të vdekurve kanë qenë edhe tre fëmijë dhe një grua shtatzënë.
Kjo konfirmohet nga Observatori për të Drejtat e Njeriut.
Por pas këtyre raportimeve ka reaguar Moska.
Zëdhënësja e Ministrisë së Jashtme ruse, Maria Zakharova i ka cilësuar si “propagandë” akuzat e bëra ndaj Moskës.
Ajo tha se Rusia do të vazhdojë bombardimet ndaj rebelëve, edhe nëse në Siri vendoset armëpushimi.
