Drejtori i qendrës së Lëvizjes Vetëvendosje në Shqipëri, Boiken Abazi ka reaguar pas arrestimeve dhe dhunës së shkaktuar ndaj aktivistit Veron Hasani i cili e quajti “Hajn” presidentin Hashim Thaçi në ditën kur u votua Qeveria Hoti dhe asambleistit të Lëvizjes Vetëvendosje Besnik Mujeci, i cili pranë ndërtesës së qeverisë brohoriti “Poshtë Lista Serbe”.
Përmes një statusi në Facebook, Abazi shkruan se u deshën 2 ditë për të parë menjëherë se si Policinë në Kosovë sadistët e regjimit të vjetër duan ta vendosin në mbrojtje të hajnave dhe interesave të Serbisë.
Postimi i plotë
Në ditën e parë të qeverisë perverse të çiftit politik sado-mazokist Thaçi-Hoti, truprojet e Thaçit kapërcyen gardhin e oborrit të parlamentit dhe rrahën e arrestuan në Prishtinë qytetarin Veron Hasani, sepse e thirri Thaçin nga larg me emrin e vërtetë: hajn. Në ditën e dytë, policia në Prishtinë arrestoi dhe rrahu qytetarin Besnik Mujeci, sepse thirri nga larg duke ecur në bulevard “Poshtë Lista Serbe”. U deshen vetëm 2 ditë për të parë menjëherë se si Policinë në Kosovë sadistët e regjimit të vjetër duan ta vendosin në mbrojtje të hajnave dhe interesave të Serbisë.
