Ministria e Punëve të Jashtme dhe Diasporës ka njoftuar se të mërkurën, më 24 dhjetor, do të ketë bllokim të përkohshëm të një segmenti rrugor që përdoret për lëvizjen drejt Kosovës.
Sipas njoftimit zyrtar, segmenti rrugor në fshatin Kastrat të Kurshumlisë do të jetë i bllokuar për qarkullim nga ora 11:50 deri në 15:50, për shkak të aktiviteteve të paralajmëruara nga banorët lokalë.
Po ashtu, bllokime të tjera janë parashikuar edhe:
më 27 dhjetor, nga ora 11:52 deri në 18:52
më 3 janar 2026, nga ora 09:00 deri në mesnatë
Ministria u ka bërë thirrje qytetarëve të Kosovës, veçanërisht atyre që jetojnë jashtë vendit dhe udhëtojnë gjatë festave të fundvitit, që të planifikojnë me kohë lëvizjet dhe të përdorin rrugë alternative për të shmangur pritjet dhe vonesat.
Sipas Qendrës Kombëtare për Menaxhimin Kufitar, në pikat kufitare mes Kosovës dhe Serbisë – përfshirë Brnjakun, Jarinjën, Dheun e Bardhë, Muçibabën dhe Mutivodën – pritjet për hyrje në Kosovë janë aktualisht disa minutëshe, ndërsa në Jarinjë raportohen pritje deri në 10 minuta.
The post Bllokohet rruga që lidh Kosovën me Serbinë appeared first on 27.
