Moti i keq ka shkaktuar probleme në qarkullimin e mjeteve në aksin Balldren – Milot.
Sipas informacioneve për Abc News, si pasojë e reshjeve të borës u bllokua aksi rrugor Lezhë në drejtim të Milotit. Policia i devijonte automjetet nga rruga e vjetër.
Mësohet se për të normalizuar këtë aks rrugor është dashur ndërhyrja e ushtrisë, të cilët dërguan batanije që u janë shpërndarë personave që kishin nevoje dhe karburant në rast se do kërkohej.
Mjeti i firmës mirembajtëse që pastronte dëborën kishte të dëmtuar pajisjen e hedhjes së kripës. Për këtë arsye është bërë e pamundur ndërhyrja.
