Bllokohet aksi Levan-Tepelenë, ja si do të devijohet qarkullimi i mjeteve

Aksi Levan-Tepelenë është sot i bllokuar për të gjitha mjetet që do të duan të shkojnë në jug të vendit.

Autoriteti Rrugor Shqiptar njofton se për shkak të reshjeve intensive të shiut, në aksin Levan-Tepelenë pranë Poçemit ka patur rreshqitje masivi gurësh në rruge.

Kompanitë kontraktore kanë mbërritur në vend për të vlerësuar situatën dhe zhbllokuar rrugën. Ndërsa në bashkëpunim me policinë rrugore është devijuar qarkullimi dhe mjetet po përdorin rrugën e vjetër të Ballshit.