Gentian Gjyli kërkon mobilie të reja në zyrë, duke qenë se është drejtori i ri në ARRSH dhe këtë dëshirë ja plotëson ‘babagjyshi’ Blendi Gonxhe. Gjyli erdhi në krye të ARRSH në mars, por pa bërë pak kohë në post kërkon tavolinë të re. Nuk dëshiron të ulet as në karrigen ku qëndronte Evis Berberi.
Epo, meqenëse ky i fundit ra në pranga për mashtrim me tenderët, me siguri Gjyli ka frikë mos e ndjek fati i keq. Ndërkohë, Blendi Goxhe ka urdhëruar menjëherë Operatorin e Blerjeve të Përqendruar t’i sigurojë Gjylit çka i nevojitet.
Gara për këtë tender është hapur më 2 gusht 2024 dhe është mbyllur me 2 shtator, kur u mbajtën e procedurat. Komisionit të vlerësimit të caktuar nga OBP iu desh të peshonte ofertat e 12 kompanive që shfaqën interes. Në fund fituese ka dalë firma ‘Buna” shpk.
Çdo gjë duket në rregull nga ana procedurale, por kjo nuk justifikon faktin se shpenzon 100 milionë lekë nga taksat e qytetarëve për të blerë mobilie të reja Gjylit dhe stafit të tij.
Ky mendim na përforcohet kur shohim kërkesat e çuditshme që ka Gjyli. Në dokument thuhet se ARRSH kërkon shpërndarës ushqimi me rrota, me siguri drejtori i ri e do ushqimin në dhomë.
Gjithashtu ka kërkuar edhe tavolina të reja mense, pasi nuk do të hajë në një vend që ka ngrënë ish-drejtori. Kërkon të ndryshojë edhe tavolinën e punës, raftet dhe karriget! Epo Gjyli më duket beson shumë tek besëtytnitë dhe kërkon të largojë energjinë negative, duke i hequr 100 milionë lekë nga buxheti i shtetit.
Ndërsa APP e ka regjistruar kontratën ditën e sotme pa e kaluar në asnjë lloj filtri. Shtojmë këtu që firma “Buna” në të njëjtën ditë ka fituar edhe tenderin me objekt “Loti 1: Blerje orendish e pajisjesh për mobilim për Drejtorinë e Përgjithshme e Doganave”.
Edhe Genti Gazheli kërkon mobilie të reja meqenëse po vjen viti i ri. Për këtë janë hequr edhe 30 milionë lekë të tjera nga buxheti i shtetit që shkojnë në xhep të së njëjtës kompani. Nuk e dimë nëse “Buna” shpk ja del që të angazhohet tek të dy projektet njëkohësisht, pasi shpesh ky fakt përbën shkelje të procedurave. Gjithsesi dimë që Gonxhe po nxjerrë fonde për teka drejtorësh!
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/201
