Bill Clinton bëri më të mirë për të nxitur amerikanët të votojnë bashkëshorten e tij dhe për të vendosur kështu një tjetër Clinton në krye të Shtëpisë së Bardhë me një fjalim të gjatë e të ngjerë për martesën me Hillary-n dhe suksesin e saj si shërbëtore e njerëzimit.
Në 42 minuta, Bill foli që për kohën kur njohur për herë të parë bashkëshorten e tij në bankat e shkollës e deri më tani që ajo synon të zgjidhet Presidente e Shteteve të Bashkuara të Amerikës.
Ai e cilësoi Hillary-n si një partnere shumë të dashur dhe si ndryshuesen më të mëdha të politikave që kishte njohur ndonjëherë.
Clinton e nisi fjalimin e tij thjeshtë: “Në pranverën e vitit 1971, njoha një vajzë”, duke treguar momentin kur e pa në sy për herë të parë Hillary-n në bibliotekën e Universitetit të Yale, kur të dy studionin për Drejtësi.
Gjithashtu rrëfeu para publikut në Filadelfia edhe për dy përpjekjet e dështuara të tij për të marrë përgjigje pozitive nga Hillary kur i propozoi për martesë.
“Dëgjoj njerëzit të thonë: ne kemi nevojë për ndryshim, ajo ka qenë rreth e rrotull për shumë kohë. Por unë them që ja ka vlejtur çdo përpjekje për t’i bërë jetët e amerikanëve më të mira”,” tha Bill
“U martova me shoqen time më të mirë,” tha Bill. “Madje dhe tani e vë re se sa e zgjuar, e fortë dhe e dashur ka qenë ajo, dhe gjithnjë shpresoja që fakti që më zgjodhi mua përpara karrierës së saj, ishte një vendim për të cilin nuk do të ndjente kurrë keqardhje”.
“Po të ishit në vendin tim dhe të dëgjonit çdo mbrëmje të njëjtat biseda, çdo shëtitje të njëjtat bisedat dhe çdo vakt darke të njëjtat biseda, kjo do të thotë se kjo grua nuk ka qenë kurrë e kënaqur me status quo-në. Ajo gjithnjë ka dashur të ecë përpara. Kështu është e ndërtuar ajo”.
