Të paktën 226 fëmijë janë vrarë dhe 420 të tjerë janë plagosur që nga fillimi i pushtimit rus në Ukrainë. Zyra e Prokurorisë së Përgjithshme në përditësimin e përditshëm bëri me dije se shifrat e publikuara mund të ndryshojnë pasi hetimet janë duke u zhvilluar edhe në rajonet të cilat aktualisht po sulmohen nga forcat ruse.
Sakaq dyshohet se numri i fëmijëve të vrarë mund të jetë edhe më i lartë. Ndër të tjera për shkak të bombardimeve të vazhdueshme , rreth 1721 institucion e arsimore u dëmtuan dhe 139 të tjerë u shkatërruan plotësisht.
Dita e sotme shënon 79 ditë që nga nisja e pushtimit rus në Ukrainë. Ndonëse Putin kishte pritshmëri të larta në fillim, rezistenca ukrainase i tregoi që e kishte gabim, megjithëse është e vështirë të parashikohet “fituesi” i kësaj lufte.
