Anëtarë të BIA-s zbuluan dhe thyen një rrjet spiunazhi, raportojnë mediat serbe, ndërsa thuhet se është arrestuar D.R, shtetas i Serbisë nën dyshimin se ka kryer veprën e spiunazhit. Ndaj tij, sikundër raportohet nga mediat, Prokuroria e Lartë Publike në Jagodinë, vendosi masën e sigurisë me burg.
Në vijim mediat raportojnë se “dyshohet se D.R. u bë bashkëpunëtor i Shërbimit Informativ Shtetëror të Shqipërisë – ŠIŠ në vitin 2022, sipas urdhrave dhe detyrave të të cilit ka vepruar deri në arrestimin e tij”.
“Nëpërmjet shërbimit inteligjent të Shqipërisë, D.R. vendosi kontakte me strukturën e sigurisë që funksionon nën autoritetin e institucioneve të përkohshme të Prishtinës, të ashtuquajturat “Agjencia e Inteligjencës së Kosovës”.
Duke punuar sipas urdhrave dhe detyrave të strukturave të përmendura, D.R. ishte angazhuar në mbledhjen e të dhënave përkatëse politike, të sigurisë dhe ekonomike në vendin tonë, të cilat ishin objekt i interesit të shërbimit inteligjent të Shqipërisë.
Në realizimin e aktiviteteve të sipërpërmendura, ai përfshiu disa nga lidhjet e tij të ngushta, të cilët me urdhër të tij realizuan më tej detyrat e marra nga Forcat e Armatosura shqiptare, duke krijuar kështu një lloj rrjeti inteligjence.
D.R. në periudhën paraprake për shërbimin informativ të Shqipërisë ka mbledhur të dhëna për pjesëtarë të caktuar të shërbimeve të sigurisë së Serbisë dhe serbë nga Kosova e Metohija dhe me urdhër të tyre është angazhuar në situata krize në veri të Kosovës dhe Metohisë, gjatë protestave dhe ngritjes së barrikadave.
Ai në disa raste ka filmuar fshehurazi edhe lëvizjet e forcave të sigurisë serbe në zonën e komunës së Rashkës, kryesisht njësitë e Ushtrisë Serbe.
Synimi i D.R. ishte mbledhja e sa më shumë materialeve video për “shënjestrat” dhe dërgimi i tij në shërbimin inteligjent të Shqipërisë.
Ai pati kontakte të drejtpërdrejta me përfaqësues të shërbimit inteligjent të Shqipërisë në disa raste. Më së shumti është takuar me ta në Maqedoni dhe Shqipëri, disa herë edhe në territorin e AP KiM në Pejë dhe Zhur”, thuhet nga mediat serbe.
Nuk dihet se sa i vërtetë është një lajm i tillë, aq më tepër në një kohë kur ndaj BIA-s janë ngritur akuza për torturimin e një politikani serb, i cili u shfaq duke bërë homazhe në varret e familjes Jashari dhe kërkoi falje për krimet e serbëve.
Në një kohë kur janë ngritur hije të forta dyshimi mbi rolin e BIA-s në rrëmbimin dhe më pas torturimin dhe dhunimin e politikanit serb, në media qarkullon lajmi mbi zbulimin e një rrjeti spiunazhi.
Anëtarë të BIA-s zbuluan dhe thyen një rrjet spiunazhi, raportojnë mediat serbe, ndërsa thuhet se është arrestuar D.R, shtetas i Serbisë nën dyshimin se ka kryer veprën e spiunazhit. Ndaj tij, sikundër raportohet nga mediat, Prokuroria e Lartë Publike në Jagodinë, vendosi masën e sigurisë me burg.
Në vijim mediat raportojnë se “dyshohet se D.R. u bë bashkëpunëtor i Shërbimit Informativ Shtetëror të Shqipërisë – ŠIŠ në vitin 2022, sipas urdhrave dhe detyrave të të cilit ka vepruar deri në arrestimin e tij”.
“Nëpërmjet shërbimit inteligjent të Shqipërisë, D.R. vendosi kontakte me strukturën e sigurisë që funksionon nën autoritetin e institucioneve të përkohshme të Prishtinës, të ashtuquajturat “Agjencia e Inteligjencës së Kosovës”.
Duke punuar sipas urdhrave dhe detyrave të strukturave të përmendura, D.R. ishte angazhuar në mbledhjen e të dhënave përkatëse politike, të sigurisë dhe ekonomike në vendin tonë, të cilat ishin objekt i interesit të shërbimit inteligjent të Shqipërisë.
Në realizimin e aktiviteteve të sipërpërmendura, ai përfshiu disa nga lidhjet e tij të ngushta, të cilët me urdhër të tij realizuan më tej detyrat e marra nga Forcat e Armatosura shqiptare, duke krijuar kështu një lloj rrjeti inteligjence.
D.R. në periudhën paraprake për shërbimin informativ të Shqipërisë ka mbledhur të dhëna për pjesëtarë të caktuar të shërbimeve të sigurisë së Serbisë dhe serbë nga Kosova e Metohija dhe me urdhër të tyre është angazhuar në situata krize në veri të Kosovës dhe Metohisë, gjatë protestave dhe ngritjes së barrikadave.
Ai në disa raste ka filmuar fshehurazi edhe lëvizjet e forcave të sigurisë serbe në zonën e komunës së Rashkës, kryesisht njësitë e Ushtrisë Serbe.
Synimi i D.R. ishte mbledhja e sa më shumë materialeve video për “shënjestrat” dhe dërgimi i tij në shërbimin inteligjent të Shqipërisë.
Ai pati kontakte të drejtpërdrejta me përfaqësues të shërbimit inteligjent të Shqipërisë në disa raste. Më së shumti është takuar me ta në Maqedoni dhe Shqipëri, disa herë edhe në territorin e AP KiM në Pejë dhe Zhur”, thuhet nga mediat serbe.
Nuk dihet se sa i vërtetë është një lajm i tillë, aq më tepër në një kohë kur ndaj BIA-s janë ngritur akuza për torturimin e një politikani serb, i cili u shfaq duke bërë homazhe në varret e familjes Jashari dhe kërkoi falje për krimet e serbëve.
Në një kohë kur janë ngritur hije të forta dyshimi mbi rolin e BIA-s në rrëmbimin dhe më pas torturimin dhe dhunimin e politikanit serb, në media qarkullon lajmi mbi zbulimin e një rrjeti spiunazhi.
