Madonna kërkon nga gjykata që Guy Ritchie të arrestohet për mospërfillje të gjykatës për ta mbajtur djalin e tyre, Rocco, në Londër, por një gjykatë në New York u ka kërkuar prindërve që ta zgjidhin vetë këtë mosmarrëveshje.
Rocco Ritchie, 15 vjeç, ka jetuar me babain e tij Guy në Londër, por nëna e tij, Madonna është duke kërkuar që ai të kthehet në Nju Jork.
Por Rocco, i cili aktualisht jeton me babain e tij në Londër ka shprehur dëshirën për të qëndruar me të dhe familjen e tij të re, por kjo duket se nuk i ka shkuar për shtat nënës së tij, këngëtares së famshme të Pop-it.
Rocco është përfaqësuar edhe nga avokati, i cili tha se ai donte që prindërit të arrijnë një marrëveshje që do të mbrojë atë nga kjo çështje.
Madonna prej disa kohës po tregon se nuk ndihet mirë lidhur me këtë çështje dhe frustrimin e saj po e tregon në twiter ku fut foto të saj me djalin kur ka qënë i vogël duke shprehur mungesën që ndjen për të. Nga ana tjetër Guy është rimartuar dhe ka tre fëmijë të vegjël me gruan e re.
