Presidenti i FSHF-së, Armand Duka mori pjesë në ceremoninë përmbyllëse të programit “Future Leaders in Football” që u zhvillua në Shqipëri dhe u organizua nga Federata Gjermane e Futbollit, në bashkëpunim me GIZ (German Society for International Cooperation) dhe Ministrinë Gjermane për Bashkëpunim Ekonomik dhe Zhvillim (BMZ).
Programi ka në fokus formimin e lidereve të reja të ardhshme vajza nga mosha 18-29 vjeçe, jo vetëm nga Shqipëria, por nga i gjithë rajoni i Ballkanit (Shqipëri, Bosnje-Hercegovinë, Kosovë, Mal i Zi, Maqedoni e Veriut, Serbi, Slloveni) si edhe Paraguai e Gjermania.
Gjatë këtij eventi Presidenti Duka zhvilloi edhe një bashkëbisedim me vajzat pjesëmarrëse, ku falënderoi organizatorët që bënë të mundur zhvillimin e këtij programi në vendin tonë dhe vlerësoi lidershipin e vajzave, qoftë edhe në FSHF apo futbollin shqiptar.
“Më lejoni t’ju falënderoj për organizimin e këtij trajnimi në Shqipëri. Falënderoj Federatën Gjermane të Futbollit, presidentin e saj, GIZ, lektorët dhe falënderoj më shumë pjesëmarrëset, vajzat që kanë qenë pjesëmarrëse në këtë javë trajnimi në Shqipëri. Ky është një trajnim shumë i rëndësishëm, filloi në një kohë të vështirë në pandemi për të vijuar në Katar dhe fatmirësisht erdhi një Shqipëri, jo vetëm për vajzat dhe gratë e Shqipërisë, por për vajzat e futbollit të rajonit.
Padyshim që besoj tek lidershipi i vajzave dhe i grave dhe këtë nuk e them me fjalë por me vepra, sepse në futbollin tonë, qoftë në institucionin e Federatës së Futbollit, por qoftë në përgjithësi në futboll, kemi shumë vajza në poste drejtuese. Vajzat që janë këtu janë drejtuese, përfshirë Evian, përfshirë Anilën, anëtare e Komitetit Ekzekutiv të Federatës”-, tha Presidenti Duka, teksa iu bëri thirrje që të kenë besim dhe të punojnë sa më shumë për të arritur synimet e tyre.
“Jam shumë i bindur që keni mësuar shumë gjëra, keni shkëmbyer eksperienca, por që të bësh lidership nuk mjafton një kurs. Unë besoj që kursi vetëm mund t’ju zgjojë atë ndjenjën për tu bërë lider akoma më të mëdhenj, por ky është një proces që duhet të vazhdohet me indicien që keni marrë këtë javë. Ne kemi shembuj pozitiv në Shqipëri nga të gjitha fushat e jetës, pavarësisht se këtu jemi në futboll, ne kemi kryetaren e parlamentit grua, ne kemi gjysmën e qeverisë me ministre gra, kemi shumë shembuj pozitiv, që cilat do të jenë shembuj për të shtuar akoma edhe më shumë numrin e vajzave në futboll.
Mendoj që duhet të besoni, ajo që është kryesorja duhet të besoni në atë që duhet të arrini. Duhet të punoni për të arritur atë që besoni dhe besoj se këto janë çelësat e suksesit. Çelësat e suksesit janë të njëjtë, si për gra edhe për burra, kështu që duhet të besoni dhe të punoni për të arrit atë që besoni”, – theksoi numri një i FSHF-së.
Në fund të eventit u zhvillua edhe ceremonia e shpërndarjes së certifikatave për vajzat pjesëmarrëse në këtë program që fokusohet jo vetëm në lidershipin, por edhe në rritjen e diversitetit, përfshirjes dhe qëndrueshmërinë brenda kontekstit të sportit, me qëllim promovimin e lidereve të reja që janë pjesë e kësaj industrie.
Presidenti i FSHF-së, Armand Duka mori pjesë në ceremoninë përmbyllëse të programit “Future Leaders in Football” që u zhvillua në Shqipëri dhe u organizua nga Federata Gjermane e Futbollit, në bashkëpunim me GIZ (German Society for International Cooperation) dhe Ministrinë Gjermane për Bashkëpunim Ekonomik dhe Zhvillim (BMZ).
Programi ka në fokus formimin e lidereve të reja të ardhshme vajza nga mosha 18-29 vjeçe, jo vetëm nga Shqipëria, por nga i gjithë rajoni i Ballkanit (Shqipëri, Bosnje-Hercegovinë, Kosovë, Mal i Zi, Maqedoni e Veriut, Serbi, Slloveni) si edhe Paraguai e Gjermania.
Gjatë këtij eventi Presidenti Duka zhvilloi edhe një bashkëbisedim me vajzat pjesëmarrëse, ku falënderoi organizatorët që bënë të mundur zhvillimin e këtij programi në vendin tonë dhe vlerësoi lidershipin e vajzave, qoftë edhe në FSHF apo futbollin shqiptar.
“Më lejoni t’ju falënderoj për organizimin e këtij trajnimi në Shqipëri. Falënderoj Federatën Gjermane të Futbollit, presidentin e saj, GIZ, lektorët dhe falënderoj më shumë pjesëmarrëset, vajzat që kanë qenë pjesëmarrëse në këtë javë trajnimi në Shqipëri. Ky është një trajnim shumë i rëndësishëm, filloi në një kohë të vështirë në pandemi për të vijuar në Katar dhe fatmirësisht erdhi një Shqipëri, jo vetëm për vajzat dhe gratë e Shqipërisë, por për vajzat e futbollit të rajonit.
Padyshim që besoj tek lidershipi i vajzave dhe i grave dhe këtë nuk e them me fjalë por me vepra, sepse në futbollin tonë, qoftë në institucionin e Federatës së Futbollit, por qoftë në përgjithësi në futboll, kemi shumë vajza në poste drejtuese. Vajzat që janë këtu janë drejtuese, përfshirë Evian, përfshirë Anilën, anëtare e Komitetit Ekzekutiv të Federatës”-, tha Presidenti Duka, teksa iu bëri thirrje që të kenë besim dhe të punojnë sa më shumë për të arritur synimet e tyre.
“Jam shumë i bindur që keni mësuar shumë gjëra, keni shkëmbyer eksperienca, por që të bësh lidership nuk mjafton një kurs. Unë besoj që kursi vetëm mund t’ju zgjojë atë ndjenjën për tu bërë lider akoma më të mëdhenj, por ky është një proces që duhet të vazhdohet me indicien që keni marrë këtë javë. Ne kemi shembuj pozitiv në Shqipëri nga të gjitha fushat e jetës, pavarësisht se këtu jemi në futboll, ne kemi kryetaren e parlamentit grua, ne kemi gjysmën e qeverisë me ministre gra, kemi shumë shembuj pozitiv, që cilat do të jenë shembuj për të shtuar akoma edhe më shumë numrin e vajzave në futboll.
Mendoj që duhet të besoni, ajo që është kryesorja duhet të besoni në atë që duhet të arrini. Duhet të punoni për të arritur atë që besoni dhe besoj se këto janë çelësat e suksesit. Çelësat e suksesit janë të njëjtë, si për gra edhe për burra, kështu që duhet të besoni dhe të punoni për të arrit atë që besoni”, – theksoi numri një i FSHF-së.
Në fund të eventit u zhvillua edhe ceremonia e shpërndarjes së certifikatave për vajzat pjesëmarrëse në këtë program që fokusohet jo vetëm në lidershipin, por edhe në rritjen e diversitetit, përfshirjes dhe qëndrueshmërinë brenda kontekstit të sportit, me qëllim promovimin e lidereve të reja që janë pjesë e kësaj industrie.
