Gazetari Besar Likmeta, në një intervistë për emisionin “Opinion”, tha se çdo ditë që kalon 3 kompanitë e inceneratorëve marrin 75 mijë euro, që shkojnë në llogaritë e tyre bankare. Duke shpjeguar një skemë të lidhjes së gjithë firmave të përfshira në këtë aktivitet, Likmeta tha se lekët e inceneratorit të Tiranës janë përdorur nga Mirel Mërtiri për aktivitetin e tij të inceneratorëve në Gana dhe Zimbabve.
Besar Likmeta: Mund t’ju them që çdo ditë që kalon ne ju paguajme 75 mijë euro këtyre 3 kompanive.
Blendi Fevziu: 75 mijë euro në ditë?
Besar Likmeta: Nesër janë 75 mijë euro.
Blendi Fevziu: Po kush i merr këto kur janë në kërkim?
Besar Likmeta: Shkojnë tek llogaritë bankare. Dy janë të sekuestruara, por konçensionari i Tiranës nuk është i sekuestruar.
Kompania mëmë e inceneratorit të Tiranës është GeoGenix dhe ajo që është e çuditshme është se ka një projekt në Harara dhe një në Gana dhe projektit e impianteve për Hararën dhe Ganën janë paguar nga inceneratori i Tiranës. Përdorin paratë tona për aventurat e tyre në Gana dhe Zimbabve
