Aktori dhe moderatori, Bes Kallaku e ka nisur emisionin “Kosherja” me temën e postit të Presidentit. Ai që në nisje të fjalës së tij është shprehur se ka plasur një garë e madhe vetë-kërkesash për postin e Presidentit, duke shtuar me humor se duke qenë në këtë vrull vetë-propozimesh, çfarë i mungon atij për mos t’u bërë president.
Kujtojmë se shumë personazhe kanë shprehur dëshirën për postin e presidentit, dhe duke marrë shkas nga ky fakt fakti aktori gjithashtu ka thënë në formë batute se çfarë i mungon atij.
“Po mua çfarë më mungon? Do e nis këtë editorial me një deklaratë të pazakontë sepse ka plasur një garë e madhe vetë-kërkesash dhe propozimesh për postin e Presidetit. Duke qenë se jemi në vrullin e vetë-propozimeve, më lejoni që të them se çfarë më mungon dhe mua. Kam 1.2 milion followers-a në Instagram, bëj për të qeshur. Shkollën e lartë e kam. Nuk kam ndonjë interes që të merrem me politikë por çfarë ka Sazan Guri më shumë se unë.”
Gjithashtu, nga ana tjetër aktori i humorin ka vazhduar editorialin e tij duke përmendur edhe emra të tjerë që janë vetëshpallur. Por më pas ai e ka kthyer serioze situatën edhe ka thënë se nuk është aq e thjeshtë posti i presidentit, pasi sipas tij, do të japësh dekorata.
“Çfarë ka Genard Hajdini më shumë që të pretendojë që të jetë president. Gjithë kjo kërkesë për t’u vetëshpallur, sa hap televizorin del një kandidat i ri. Të gjithëve iu duket gjë e thjeshtë posti i presidentit, se do të japësh dekorata. Do të shkosh në takime, do të bësh herë pas here opozitën.”
