Aktori i humorit, Bes Kallaku ka ndarë së fundmi disa video në rrjete sociale ku shihet duke u argëtuar me të bijën, Ajkën. Vogëlushja duket se është shumë e apasionuar pas grimit pasi ka nisur të lyejë dhe babi Besin. Këtë moment tepër gazmor, aktori e ka ndarë me ndjekësit në rrjetet e tij sociale ndërsa shkruan se dhe Xhensila do t’i ketë zili.
“Yll fare. Na ka zili mami”, ka shkruar aktori shoqëruar me një emoji duke qeshur. Në një tjetër video, Besi ka ndarë më pas rezultatin përfundimtar ku Ajka e ka “shndërruar” si një klloun. “Ja pa ky është rezultati”, ka thënë aktori duke qeshur teksa pranë tij ndodhet dhe vajza e tij.
Kujtojmë se, artistët kanë qenë të rezervuar me ekspozimin e vajzës së tyre në rrjetet sociale dhe në publik. Megjithatë, vitin e fundit duket se kanë vendosur të jenë më të hapur duke mos i kursyer fotot e saj në rrjetet sociale.
https://streamable.com/ck2g5r
https://streamable.com/cw005m
