Kryetari i Partisë Demokratike Sali Berisha, në një konferencë për mediat, ka renditur arsyet se pse rritja ekonomike e vendit, në fakt nuk pasqyron aspak gjendjen ekonomike të qytetarëve.
Berisha deklaroi se, “në agjencitë shtetërore, 90 përqind e prokurimeve fitohen nga 2-3 kompani. Shqetësimi ynë i dytë shumë i madh është gjendja e biznesit në Shqipëri, në të cilën dora e zezë e qeverisë ndërhyn në mënyrë të egër’.
Gjatë analizës së tij në konferencë me gazetarët, kryedemokrati u shpreh se, Edi Rama dhe qeveria e tij do të shpenzojnë 430 milionë euro për investitorët strategjikë, ndërsa qytetarët shqiptar fitojnë vetëm 4 euro për turist.
Berisha premtoi përgjysmim taksash dhe shtoi se “do hapim ekonominë dhe do garantojmë garë të ndershme”.
I pyetur nga gazetarët në lidhje me zhvillimet e ditës së martë, kur është thirrur protesta tek Parlamenti, lideri i opozitës tha se do të ketë mobilitet dhe se qëllimi i opozitës është miratimi i minimumit jetik prej 200 eurosh.
Në lidhje me takimet e drejtuesve të PD, me diasporën, lideri i demokratëve tha se, këto do takime do të mobilizojnë shqiptarët kudo që janë në mbështetje të Partisë Demokratike.
Kryetari i Partisë Demokratike, Sali Berisha ka komentuar edhe ekzekutimin e gjobës ndaj shtetit shqiptar, që e përfiton Francesko Beketi. Berisha tha se, për këtë gjobë “do të konfiskohen sarajet e Surrelit dhe pasuritë e tjera të Ramës për të kompensuar sadopak këtë humbje”.
Lexo edhe:
Sali Berisha: Sorosin do ta shpallim “non grata”, Rama ka parashikuar ekzilin
Rritja e pagave në Bashkinë e Fierit u votua nga këshilltarët demokratë, Berisha: Gabuan rëndë…
