Ish-kryeministri Sali Berisha pritet të jetë sot në qytetin e Fierit, ku do të mbajë pasditen e sotme rreth orës 18:00 takimin e radhës me demokratët, në kuadër të turit “Foltorja”.
Mëngjesin e sotëm, Berisha postoi një video nga data 10 shtator, kur ai u fut në parlament teksa jashtë e prisnin qindra mbështetës.
“Një përshëndetje të përzemërt të dashur miq me këtë video të një momenti historik, të mbrojtjes së sovranitetit të zgjedhësve, parlamentit dhe vendit! Rroftë Shqiperia,” shkruan Berisha.
“Sot nis beteja jonë për shpëtimin e Partisë Demokratike dhe të Shqipërisë nga pazaret e turpshme, nga pazaret e fëlliqura të Lulzim Bashës dhe Edi Ramës. Partia Demokratike do dalë nga kjo betejë më e fortë dhe më e sigurt,” u tha Berisha ndjekësve më 10 shtator.
