Ish-kryeministri Sali Berisha u përplas sot në Kuvend me ministren Elisa Spiropali. Gjithçka nisi pasi Berisha tha se Edi Rama dhunon fjalën e lirë dhe mediat.
Pasi e quajti “zonja 5 milionëshe”, Berisha ka vijuar akuzat ndaj Spiropalit edhe pas Kuvendit.
“Detyrën që bëni ju, e bëjnë ata. I shtyn Rama. Të gjitha kanë vetëm një qëllim, sit ë maskojnë vjedhjen e tyre. Kjo Spiropali një e dy ngrihet, ajo nuk është e vetmja, shko lexo tenderat e Salarionit, kujt ja jep ai thoni ju tenderat? Enklit. Enkli është i vëllai. Vjedhje e hapur. Tenderi publik i jepet vëllait të gruas. Kemi të bëjmë me një grup njerëzish që kanë humbur çdo ndjesi e dhembshuri për qytetarë që i vjedhin e plaçkisin. Ne duhet të bëjmë një aleancë për një transparencë të plotë, çfarë thoshte zonja, flet për një portal, por aty janë publikuar të gjitha dokumentet”, tha Berisha.
