Partia Demokratike ka reaguar pas deklaratës së ish-kryeministrit Berisha se do të futet në zgjedhjet e 6 marsit në koalicion me LSI, dhe partitë e tjera opozitare.
Nëpërmjet një reagimi zyrtar, PD shprehet se gara e vetme e Berishës është dëmtimi i PD dhe se nuk do lejojë që ky koalicion ta mbajë Shqipërinë në vendnumëro.
“Sali Berisha ka vetëm një garë, atë për të dëmtuar Partinë Demokratike. Koalicioni non grata nuk do ta mbajë Shqipërinë në vendnumëro, hallet e Berishës, Ramës dhe Metës, nuk janë hallet e shqiptarëve. Zgjedh Ramën, mban Berishën dhe Metën. Zgjedh Berishën dhe Metën, mban Ramën”, shpehet PD.
Më herët, ish-kyeministri Berisha, ndërsa prezantoi kandidatët që dolën nga primaret e ditës së djeshme, deklaroi se do të futet në zgjedhjet lokale nën siglën e koalicionit “Shtëpia e Lirisë” ku konfirmoi pjesëmarrjen e LSI.
