Për herë të parë nga 11 dhjetori i 2021, kohë kur Sali Berisha u zgjodh nga Kuvendi i jashtëzakonshëm i PD-së në krye të kësaj partie, ditën e nesërme (6 janar) nuk do të jetë prezent në mbledhjen e një prej forumeve të subjektit që drejton. Kjo është hera e parë në dy vite që Berisha do të mungojë fizikisht në mbledhje, ndërsa nuk përjashtohet mundësia që përmes aplikacioneve online ai të komunikojë me anëtarët e Kryesisë.
Kryesia e PD-së do të mblidhet mesditën e 6 janarit ku priten të merren vendime të rëndësishme mbi aksionin opozitar, ndërsa ish-kryeministri ndodhet në “arrest shtëpie” pas vendimit të GJKKO-së. Kryesia e PD-së pritet të përcaktojë një agjendë mbi shtrirjen dhe masivitetin e protestave kundër Qeverisë, ndërsa deri pasditen e sotme mbështetës të ish-Kryeministrit kanë zgjedhur të mblidhen në rrugën kju ndodhet edhe apartamenti i tij, ndërsa Berisha i përshëndet nga dritarja.
Gjykata e Posaçme më 30 dhjetor urdhëroi kreun demokrat që të mos largohet nga banesa e tij dhe të mos komunikojë me persona të tjerë përveç atyre që bashkëjetojnë me të në të njëjtën banesë, ndërsa për zbatimin e kësaj mase ngarkoi SPAK-un dhe shërbimet e policisë gjyqësore.
Sipas procedurave, mbikëqyrja policore parashikon shërbime të rregullta pranë banesës së Berishës për të ndjekur respektimin e kësaj mase nga ana e tij.
Ish kryeministri nën hetim dyshohet për korrupsion pasiv në bashkëpunim në lidhje me çështjen e procedurave të privatizimit të ish kompleksit sportiv Partizani, gjatë të cilave SPAK-u dyshon se ai me akte nga më të ndryshmet ka ushtruar ndikim dhe presion, duke favorizuar dhëndrrin e tij Jamarbër Malltezi, një nga pronarët e atij trualli, që u mbush shpejt me një grup pallatesh.
Për herë të parë nga 11 dhjetori i 2021, kohë kur Sali Berisha u zgjodh nga Kuvendi i jashtëzakonshëm i PD-së në krye të kësaj partie, ditën e nesërme (6 janar) nuk do të jetë prezent në mbledhjen e një prej forumeve të subjektit që drejton. Kjo është hera e parë në dy vite që Berisha do të mungojë fizikisht në mbledhje, ndërsa nuk përjashtohet mundësia që përmes aplikacioneve online ai të komunikojë me anëtarët e Kryesisë.
Kryesia e PD-së do të mblidhet mesditën e 6 janarit ku priten të merren vendime të rëndësishme mbi aksionin opozitar, ndërsa ish-kryeministri ndodhet në “arrest shtëpie” pas vendimit të GJKKO-së. Kryesia e PD-së pritet të përcaktojë një agjendë mbi shtrirjen dhe masivitetin e protestave kundër Qeverisë, ndërsa deri pasditen e sotme mbështetës të ish-Kryeministrit kanë zgjedhur të mblidhen në rrugën kju ndodhet edhe apartamenti i tij, ndërsa Berisha i përshëndet nga dritarja.
Gjykata e Posaçme më 30 dhjetor urdhëroi kreun demokrat që të mos largohet nga banesa e tij dhe të mos komunikojë me persona të tjerë përveç atyre që bashkëjetojnë me të në të njëjtën banesë, ndërsa për zbatimin e kësaj mase ngarkoi SPAK-un dhe shërbimet e policisë gjyqësore.
Sipas procedurave, mbikëqyrja policore parashikon shërbime të rregullta pranë banesës së Berishës për të ndjekur respektimin e kësaj mase nga ana e tij.
Ish kryeministri nën hetim dyshohet për korrupsion pasiv në bashkëpunim në lidhje me çështjen e procedurave të privatizimit të ish kompleksit sportiv Partizani, gjatë të cilave SPAK-u dyshon se ai me akte nga më të ndryshmet ka ushtruar ndikim dhe presion, duke favorizuar dhëndrrin e tij Jamarbër Malltezi, një nga pronarët e atij trualli, që u mbush shpejt me një grup pallatesh.
