Pas kërkesësë së bërë për të disatën herë nga kryeministri Edi Rama ndaj SPAK që të nisë hetimet pas shpalljes së tij “Non Grata” nga SHBA, ka reaguar ish-kryeminstri Sali Berisha.
Gjatë një konference për mediat paraditen e sotme, Rama ka kërkuar sërish që të hetohet Sali Berisha, duke shtuar se nëse del që nuk ka fakte për Berishën, vet ai do t’i kërkojë llogari për ish-kryeministrin.
Sipas Berishës, Rama është në panik të madh dhe po mundohet që të shmang vëmendjen nga problemi kryesor që është varfëria. Berisha ka akuzua Ramën që qeveria e tij vijon të vjedhë vazhdimisht duke përdorur asetet publike.
“Kreu i organizatës kriminale të hajdutëve të inceneratorëve. Në një panik të jashtëzakonshëm, merret me drejtësinë dhe me kundërshtarët e tij politik. Shkaqet janë madhore. Edi Rama beson se me këto qëndrime të tij që shëmbëllejnë apo janë për Korenë e Veriut apo regjimin e etërve të tij, ka disa synime. Pikë së pari të tërheq vëmendjen e qytetarëve që po përballen me vështirësi shumë të mëdha për shkak të kësaj qeverie e cila vetëm vjedh. Krijon vetëm mekanizma vjedhje.” tha Berisha.
