Ish-kryeministri Sali Berisha ka dhënë një deklaratë nga hyrja e Kuvendit ku ndër të tjera i është përgjigjur edhe akuzave të ish kryedemokratit Lulzim Basha, i cili i bëri thirrje SPAK të hetojë Berishën.
Berisha i kërkoi gazetarëve të pyesin Bashën se përse është kthyer nga Roma në Tiranë dhe nuk shkoi në SHBA, duke hedhur akuza të forta se ka të hapur dosjen “Nick Muzin”.
“Personi i vetëm në përballje me drejtësinë ndërkombëtare dhe shqiptare është Basha. Prandaj kur të dalë këtu pyeteni për çfarë u kthyer nga Roma në Tiranë dhe nuk shkuan në SHBA. Sepse e ka të hapur dosjen Muzini nga FBI. Nëse shkonte përballej me ligjin, kjo ndodhte. Ju kur të dalin politikanët para jush duhet ti pyesni mos hezitoni”, tha Berisha.
