Në takimin me demokratët e Tepelenës, ish-kryeministri Sali Berisha ka komentuar ndër të tjera dhe zhvillimet e fundit në selinë blu, dhe akuzat se ai ka qeverisur në hije PD dhe Basha drejtohej prej tij.
Berisha hodhi poshtë akuzat duke thënë se kishte tetë vite që nuk zhvillonte takimet me anëtarësinë me arsyen e vetme për t’i lënë hapësirë Bashës si Kryetari i vetëm të PD.
“Ditën që unë mora vendimin që t’i drejtohem anëtarësisë, unë prej 8 vitesh nuk kisha bërë asnjë takim me anëtarësinë. Nuk e bëja vetëm për të mos i bërë hije atij që ishte kryetar i PD-së. Nuk e dija se cili do ishte impakti i adresimit tim ndaj asaj partie. E kam marrë atë vendim për 2 arsye. Së pasi, unë e bëra se do u drejtohem shqiptarëve që kanë besim se dinjiteti njerëzor nuk mund të përkëmbet. Së dyti, unë u drejtohem atyre shqiptarëve që sovraniteti është i shenjtë”, tha Berisha.
Ndër të tjera, Berisha Berisha iu bëri thirrje demokratëve që të bashkohen për t’i bërë ballë një regjimi, që sipas tij është nga më të egrit në Europë, referuar këtu qeverisë Rama.
