Kreu i PD-së, Sali Berisha ka folur sot para Kuvendit për protestën e organizuar nga ai vetë kundër qeverisë së kryeministrit Edi Rama. Ndërsa u bëri thirrje qytetarëve t’i bashkohen protestës, Berisha tha se kjo demostratë “inaguron procesin e largimit të Edi Ramës”.
Kryedemokrati u shpreh se sot shqiptarët do të tregojnë që nuk do ta tolerojnë më regjimin e Ramës.
“Në ditën e protestës së madhe kundër regjimit të Edi Ramës, kundër vjedhjes së tij që tejkalojnë çdo imagjinatë, manipulimit të votës dhe sitemeve elektorale, kundër Ballkanit të hapur, protestojnë fuqishëm mbarë shqiptarët. Të bashkohemi në orën 7 në bulevardin “Dëshmorët e Kombit” për të shprehur vendimin e shqiptarëve nga shpëtimi i qeverisë së Edi Ramës. E rëndësishme është që ne të japim mesazhin e qartë që shqiptarët nuk do ta tolerojnë më këtë regjim. Kjo protestë inauguron procesin e largimit të Edi Ramës.”
