Një 42-vjeçar shqiptar ka rënë në prangat e policisë italiane për akuzën e trafikimit të lëndëve narkotike.
Shqiptari me inicialet H.S. kishte hyrë ilegalisht në Itali dhe prej një muaji qëndronte në një hotel luksoz në Sanremo.
Ky detaj ka tërhequr vëmendjen e karabinierëve dhe pas verifikimeve ata arritën ta identifikojnë shqiptarin, i cili rezultonte me precedentë të mëparshëm penalë në Itali për shpërndarje kokaine dhe vjedhje.
Për këto krime ai ishte dënuar me dy vite burg në Padova.
Pas arrestimit, autoritetet italiane e shoqëruan atë në aeroportin e Malpensa-s, nga ku do të niset drejt Tiranës.
