Kryeministri Benjamin Netanyahu akuzohet për ryshfet, mashtrim dhe shkelje të besimit në lidhje me tre raste të ndara.
Sipas prokurorit të përgjithshëm të Izraelit Avichai Mandelblit, Netanyahu dyshohet se ka pranuar dhurata nga biznesmenë të pasur dhe ka dhënë favore për të patur mbështetjen e mediave.
Ndërkohë Netanyahu i ka mohuar akuzat ndërsa tha se ai është viktimë e një “gjuetie shtrigash” nga kundërshtarët e tij të majtë dhe media.
Ai gjithashtu ka insistuar se nuk do të japë dorëheqjen dhe se nuk është i detyruar me ligj ta bëjë këtë.
Ja për çfarë akuzohet Netanyahu:
- Netanyahu është akuzuar për mashtrim dhe shkelje të besimit. Netanyahu dyshohet se ka marrë përfitime të ndryshme me vlerë të lartë, duke përfshirë shampanjë dhe puro, në këmbim të favorizimeve për një mik të pasur. Netanyahu ka thënë se ato ishin gjeste miqësie. Edhe miku i tij në të njëjtën mënyrë mohon çdo keqbërje.
- Netanyahu përballet me akuza për mashtrim dhe shkelje të besimit edhe në këtë rast. Ai dyshohet se ka pranuar një marrëveshje me botuesin e një gazete të madhe për të promovuar legjislacionin për të dobësuar një rival të tijin çdo ditë në këmbim të një mbulimi të favorshëm për Netanyahun. Ashtu si kryeministri, botuesi mohon të kenë kryer shkelje, raporton neësbomb.al.
- Kjo konsiderohet çështja më e rëndë sepse Netanyahu është akuzuar për ryshfet si dhe mashtrim dhe shkelje të besimit. Është pohuar se Netanyahu promovoi vendime rregullatore që favorizuan një kompani udhëheqëse telekomunikuese në këmbim të një mbulimi të favorshëm në lajme nga një prej faqeve të saj të internetit, si pjesë e një marrëveshjeje me aksionarin kontrollues të kompanisë. Kryeministri ka këmbëngulur se ekspertët mbështeën vendimet rregullatore dhe se ai nuk mori asgjë në këmbim. Aksionari gjithashtu mohon shkeljet.
