Ish-banorja e “Big Brother VIP” Beniada Nishani ka folur ditën e sotme për paraqitjen e saj në emisionin “Tiki-Taka” i cili transmetohet në gjigantin italian Mediaset.
Beniada, përballë Piero Chiambretti, dha disa ditë më parë një intervistë të sinqertë dhe ka zbuluar detaje që publiku italian mund të mos i dinte për të.
Në një intervistë për emisionin e mëngjesit “Ëake Up”, modelja zbuloi se ka pasur emocione më shumë se çdo herë të tjetër. Ndërkohë, shtoi se i ka marrë gjërat me qetësi dhe jo me vrull.
“Është një periudhë shumë e bukur. Më ftuan te Tiki-Taka një nga programet më të ndjekura. Kam qenë edhe herë të tjera në Mediaset. Italia ka një energji të paparë. Takova miqtë e mi. Kur më thirri moderatori mu drodh trupi për herë të parë. Ishte një moment magjik. Nuk dua ta marr me vrull të madh. Fama e momentit mund të duroj disa muaj dhe pastaj vjen “Big Brother” tjetër.”
Gjithashtu, nga ana tjetër Beniada është bërë pjesë e rubrikës “N’trip” në “E diell” ku teksa udhëton në vende të ndryshme me Argjira Spancën interviston edhe figura publike. Ajo përmendi Donaldin si një nga personazhet që do donte ta kishte në emision teksa kur u ngacmua nga Isli Islami se ai mund t’i thotë “Jo”, Beniada kishte gati paralajmërimin publik për Donaldin.
“Ka qenë super lojtar, super njeri. Po më tha “Jo” ia pres veshët. Banorët që nuk i kam njohur ose nuk kam pasur lidhje nuk do i ftoja.”
Kujtojmë se, Donaldi që pas daljes nga “Big Brother VIP” nuk është shfaqur në asnjë emision. Së fundmi është mësuar se ai dhe Romeo po përgatisin emisionin e tyre “Më lër të flas” që do jetë “Prime Time” dhe pritet të fillojë muajin e ardhshëm. Nga ana tjetër, Beniada arriti përmes “Big Brother Vip” ëndrrën për tu bërë pjesë e ekranit shqiptar.
