Beniada Nishani që pas përfundimit të “Big Brother VIP” është bërë pjesë e televizionit ku vijon të dhurojë spektakël me të njëjtin sens humori e natyrshmëri si në formatin e famshëm.
Ajo është bërë pjesë e një rubrikë të re në emisionin “E diell” së bashku me moderatoren Argjira Spanca. Mes të tjerash ato janë bërë pjesë e një loje ku duhet tu përgjigjeshin pyetjeve rreth njëra-tjetrës. Dhe kur Argjira po tregonte se i pëlqen që në kohën e lirë të bëjë punë shtëpie, Beniada i ka bërë një thirrje partnerit të saj balerinit Graciano Tagani.
“Gocë e mirë për tu martuar. Graciano, kur do ia bësh propozimin për martesë Argjirës? Se kjo goca ikën, kujdes! Ta merr ndonjëri tjetër, mos rri aty në shtëpi. Çohu! Mos rri duke ngrënë fasule!”- u shpreh Beniada duke shkaktuar të qeshura tek Argjira e jo vetëm.
Nuk e dimë se sa do e marrë në konsideratë Graciano deklaratën e modeles, por disa javë më parë ai tha në një intervistë se planet për fëmijë janë hapi i tyre i radhës dhe se kanë menduar të bëhen prindër në të ardhmen e afërt.
Kujtojmë se, Argjira dhe Graciano prej pesë vitesh po shijojnë lidhjen e tyre teksa bashkëjetojnë në Tiranë. Ata u njohën në “E Diell” pjesë e të cilës janë të dy prej vitesh.
