Dy tifozë holandezë, të cilët janë përfshirë në aktet e dhunës së dy ditëve më parë në Tiranë janë arrestuar nga policia shqiptare, pasi plagosën me sende të forta një person duke e bërë për spital.
Sipas policisë, në pranga janë vënë dy të rinj, të moshës 23 dhe 21 vjeç, të cilët akuzohen për plagosje të rëndë me dashje, e kryer në bashkëpunim me persona të tjerë.
“Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasve D. B., 23 vjeç dhe D. H., 21 vjeç, banues në Holandë, për veprën penale “Plagosja e rëndë me dashje”, kryer në bashkëpunim. Këta shtetas, më datë 24.05.2022, në Rrugën e Barrikadave, në bashkëpunim me njëri-tjetrin dhe me persona të tjerë, ende të paidentifikuar, kanë goditur me sende të forta, për motive të dobëta, shtetasin A. G., i cili ndodhet në spital, nën kujdesin e mjekëve”, njofton policia.
policia.
