Autoritetet: Aeroporti do të jetë pjesërisht operacional
“Nga e diela në mëngjes aeroporti do të jetë pjesërisht operacional”. Deklarata është e Arnaud Feist, drejtor ekzekutiv i aeroportit të Brukselit, Zaventem. 12 ditë pas shpërthimeve të kamikazëve, ku së bashku me shpërthimet në metro, mbetën 32 të vdekur, aeroporti do të hapet pjesërisht. Pasagjerët do të mund të shkojnë atje vetëm me makinë ose taksi, pasi terminali është ende i mbyllur për trenë dhe autobusë. Nga mëngjesi do të jenë tre fluturime të “Brussels Airlines” që do të nisen për në destinacione europiane.
