Autoritetet greke kanë reaguar sërisht lidhur me çështjen “Beleri”, ndërsa i kërkojnë Shqipërisë të respektojë shtetin e së drejtës.
Ministria e Jashtme greke ka reaguar pasi GJKKO nuk pranoi kërkesën e avokatëve të Fredi Belerit, kryebashkiakut të zgjedhur të Himarës, për t’a lejuar atë, të bëjë betimin para Këshillit Bashkiak, veprim ky që i hapte rrugën të merrte zyrtarisht mandatin si Kryetar Bashkie.
Por gjyqtarja Atalanta Zeqiri e refuzoi kërkesën për një autorizim të veçantë në mënyrë që ai të linte ambientet e spitalit të burgut për t’u paraqitur në një mbledhje, për të cilin anëtarët e këshillit e njoftuan përmes një shkrese.
“Kërkesa e kryebashkiakut të zgjedhur të Himarës, Fredi Beleri, për të marrë një leje të posaçme, në mënyrë që të jetë pjesëmarrës nesër në mbledhjen e parë të Këshillit të ri Bashkiak, si dhe të bëjë betimin dhe të marrë zyrtarisht detyrën, u rrëzua sot. Ky refuzim tregon tani, pa asnjë dyshim, se qëllimi i autoriteteve shqiptare është ta privojnë atë, pa një dënim përfundimtar dhe pa u akuzuar, nga detyra e kryetarit të Bashkisë, në të cilën ai u zgjodh në mënyrë demokratike nga qytetarët e zonës. Si kandidate për anëtarësim në familjen europiane, Shqipëria duhet të respektojë shtetin e së drejtës dhe të drejtën e pafajësisë deri në zhvillimin e gjyqit”, thuhet në reagimin e Ministrisë së Jashtme greke.
Si rezultat i vendimit të GJKKO, Fredi Beleri, kryebashkiaku i zgjedhur për Bashkinë Himarë nuk do të betohet si kryetar ditën e nesërme para Këshillit Bashkiak.
Anëtarët e këshillit në këtë dokument njoftojnë Fredi Belerin përmbajtjen e mbledhjes me tre pika, konstituohet Këshilli Bashkiak i Himarës dhe do duhej të kryhej dhe ceremonia për marrjen e detyrës si kryebashkiak. Ai kërkoi në gjykatën anti-korrupsion që të ishte i pranishëm dhe u rrëzua kërkesa.
Tashmë nuk dihet se si do të procedohet me Bashkinë e Himarës, por referuar precedentit të ndodhur në Shkodër në 2019-ën, duket se detyrën e Kryebashkiakut do e vijojë Jorgo Goro, i cili vijon të jetë në detyrë, edhe pse humbi zgjedhjet e 14 majit.
Autoritetet greke kanë reaguar sërisht lidhur me çështjen “Beleri”, ndërsa i kërkojnë Shqipërisë të respektojë shtetin e së drejtës.
Ministria e Jashtme greke ka reaguar pasi GJKKO nuk pranoi kërkesën e avokatëve të Fredi Belerit, kryebashkiakut të zgjedhur të Himarës, për t’a lejuar atë, të bëjë betimin para Këshillit Bashkiak, veprim ky që i hapte rrugën të merrte zyrtarisht mandatin si Kryetar Bashkie.
Por gjyqtarja Atalanta Zeqiri e refuzoi kërkesën për një autorizim të veçantë në mënyrë që ai të linte ambientet e spitalit të burgut për t’u paraqitur në një mbledhje, për të cilin anëtarët e këshillit e njoftuan përmes një shkrese.
“Kërkesa e kryebashkiakut të zgjedhur të Himarës, Fredi Beleri, për të marrë një leje të posaçme, në mënyrë që të jetë pjesëmarrës nesër në mbledhjen e parë të Këshillit të ri Bashkiak, si dhe të bëjë betimin dhe të marrë zyrtarisht detyrën, u rrëzua sot. Ky refuzim tregon tani, pa asnjë dyshim, se qëllimi i autoriteteve shqiptare është ta privojnë atë, pa një dënim përfundimtar dhe pa u akuzuar, nga detyra e kryetarit të Bashkisë, në të cilën ai u zgjodh në mënyrë demokratike nga qytetarët e zonës. Si kandidate për anëtarësim në familjen europiane, Shqipëria duhet të respektojë shtetin e së drejtës dhe të drejtën e pafajësisë deri në zhvillimin e gjyqit”, thuhet në reagimin e Ministrisë së Jashtme greke.
Si rezultat i vendimit të GJKKO, Fredi Beleri, kryebashkiaku i zgjedhur për Bashkinë Himarë nuk do të betohet si kryetar ditën e nesërme para Këshillit Bashkiak.
Anëtarët e këshillit në këtë dokument njoftojnë Fredi Belerin përmbajtjen e mbledhjes me tre pika, konstituohet Këshilli Bashkiak i Himarës dhe do duhej të kryhej dhe ceremonia për marrjen e detyrës si kryebashkiak. Ai kërkoi në gjykatën anti-korrupsion që të ishte i pranishëm dhe u rrëzua kërkesa.
Tashmë nuk dihet se si do të procedohet me Bashkinë e Himarës, por referuar precedentit të ndodhur në Shkodër në 2019-ën, duket se detyrën e Kryebashkiakut do e vijojë Jorgo Goro, i cili vijon të jetë në detyrë, edhe pse humbi zgjedhjet e 14 majit.
