Ylli Limani është një ndër këngëtaret më të pëlqyer dhe më të dashur për publikun. Ai është rritur në sytë e publikut shqiptar dhe shumëkush mund ta ketë të vështirë ta portretizojë në një profesion tjetër.
Ndonëse nisi rrugën drejt muzikës që i vogël dhe ka studiuar për “Shkenca Politike”, Ylli mendon se do ishte një bloger shumë i mirë. Pengesa e vetme është se nuk ka kohë për ta zhvilluar këtë profesion.
Artisti ndodhet në Londër ku po mban disa koncerte e prej andej ka ndarë me ndjekësit e tij në rrjetin social Instagram disa foto e video, ku krahas tyre shkruan në formë humori se mund të ishte një bloger por nuk ka kohë për këtë gjë edhe pse shumë ndjekës e kanë mbështetur për këtë ide.
“Unë mund të jem një bloger por jam shumë i zënë!”
Pak ditë më parë në një intervistë artisti tregoi se është rritur me muzikën ku mamaja e tij ka kënduar gjithmonë ndërsa babai e ka suportuar dhe e dashuron muzikën që ai bën.
“Unë jam rritur me njerëz që e kanë dashur muzikën me standardet e tyre, mami ka një zë melodik kur ka qenë më e re, ajo ka kënduar gjithmonë, mamit i kam thënë ty të dua më me zemër, por me babin kam një lidhje pak më të thellë emocionale, se babin e ke pak më të rëndësishëm në jetë.”
Kur vjen puna tek jeta sentimentale, Ylli ka qëndruar gjithmonë hermetik për të folur për romancat e tij ku ka zgjedhur të mos i bëjë asnjëherë publike ato. Ylli ka zbuluar së fundmi se çfarë karakteristikash duhet të ketë vajza ideale për të. Sipas këngëtarit partnerja e tij duhet të ketë një karakter të fortë pasi do ti duhet të paguajë një ‘faturë’ të lartë e cila është fama e tij dhe duhet ta përballojë.
