Mbretëresha e Britanisë së Madhe, Elizabeth II, ka tërhequr vëmendjen e të gjithëve pasi është shfaqur në rreshtin e parë të një pasarele në javën e modës në Londër.
Në krah të kryeredaktores së “Vogue”, 91-vjeçarja ndoqi sfilatën e stilistit të ri Richard Quinn. Në përfundim të shfaqjes, Elizabeth II i dha çmimin “Mbretërsha Elizabeth II” dizajnerit Quinn.
“Buckingham Palace” përmes një deklarate njoftoi se ky çmim është krijuar për të njohur rolin e industrisë britanike të modës në shoqëri dhe diplomaci. Ai do t’i jepet çdo vit një stilisti të ri britanik, që shfaq talent të jashtëzakonshem dhe origjinalitet.
