Përfaqësuesi i Partisë Demokratike në KAS, Marash Logu ka zhvilluar një intervistë këtë të martë ku ka folur për shkeljet e pretenduara nga PD për sa i përket procesit zgjedhor të 25 prillit.
Sipas Logut, shkeljet e konstatuara nga PD janë mjaftueshëm për të shpallur të pavlefshmë procesin e zgjedhjeve të 25 prillit, duke numëruar si problematika blerjen e votave, përdorimin e grupeve kriminale për interesa politike dhe përdorimin e administratës në funksion të qeverisë.
Duke folur specifikisht për secilin qark, Marash Logu u ndal dhe te Bashkia e Vlorës për të cilën tha se ka përdorur burimet e saj për fushatën e Partisë Socialiste.
Ndër të tjera, Marash logu theksoi se nuk ka asnjë parti e cila mund t’ja dalë kur i duhet të përballet jo me një parti politike që ka një program por me një shtet i cili ka në funksion të tij çdo gjë.
Intervista:
Ankesat? Në të 9 qarqet u kemi shprehur ankesa ne kemi vënë re tipologji të njëjta. Bashkia e Vlorës vuri të gjitha burimet e saj në funksion të PS. Nuk ka asnjë parti politike që mund t’ja dalë nëse para saj është shteti. Praktikisht, opozita nuk pati një parti me një program, por pati përballë shtetin që ofronte legalizime, etj. Ne kemi denoncuar raste konkrete si deputetë të PS shfaqeshin në ceremoni duke shpërndarë legalizime.
Gjirokastra? Janë evidentuar 75 raste të dyshimta. 2 raste kanë të bëjnë me një person të vetëm ë ka tentuar të votojë në 2 qendra të ndryshme. Potencialisht ekziston mundësia që 12 persona të kenë votuar disa herë me karta ID të ndryshme. Kjo tregon që problematika që ngrihet me forcë nga PD është një problematike që qëndron. Një tjetër problematikë është dhe çështja e emigrantëve. Vetëm një javë para zgjedhjeve vendosën karantinë për emigrantët. Nuk ju dha mundësi të votonin. Në Maqedoni dhe Greqi jeotjnë rreth 500 mijë shqiptarë me të drejtë vote. Nga faktet dhe provat që kemi grumbulluar, disa persona që kishin bhyrë në doganë jo vetëm kishin votuar për PS por dhe kishin qenë në komision për PS.
Berati? Egziston mundësia që disa persona të kenë votuar në qendra votimi të ndryshme. Janë identifikuar shkelje të rënda. Nëse KAS do të pranonte marrjen e provave tona do të kishin mundësi të faktonin masakrën e 25 prillit. PD megjithëse është parti e madhe, ka mundësi të kufizuar të marrë informacione. Operatori që i ka lejuar dhe komisioneri përgjegjës duhet të mbahen përgjegjës. Këtë detyrë e ka KQZ. KQZ nuk ka në plan të bëj këtë, prandaj dhe PD do t’i drejtohet prokurorisë. Ajo që nuk do të donim të ndodhte është ajo që ndodhi me dosjen e Dibrës apo në të Durrësit.
Nuk mund të ecë përpara asnjë shtet, kur ka pretendime që zyrtarët më të lartë të shtetit janë të përfshirë në blerje votash së bashku me elementë kriminalë. Shkeljet e evidentuara nga PD janë të mjaftueshme për pavlefshmëri të zgjedhjeve. Pjesa më e madhe e shkeljeve të konstatuara nuk kanë ndodhur në ditën e votimit. Edhe po të hapen kutitë të themi ti nuk mund të dallosh nëse një votë është e blerë. Në vlerësimin tonë, për aq kohë sa zgjedhjet do të jenë të tilla, dita e zgjedhjeve nuk do të jetë për qytetarët të zgjedhin qeverinë e tyre por do të jetë një masakër zgjedhore.
