Para disa javësh Bashkia Tiranë iu shëmbi shtëpitë banorëve të 5 Majit, pavarësisht rezistencës së tyre. Njëra nga banorët që bëri më shumë rezistencë ishte nënë Liza, të cilën policia e nxori zvarrë nga shtëpia.
Madje videot e kësaj skene u bënë virale. Por, pavarësisht kësaj nënë Liza nuk e braktis shtëpinë e saj, ajo ka treguar se vazhdon të gdhihet në rrënoja.
“Ne vazhdojmë të gdhihemi aty, presim një zgjidhje ligjore dhe duam një kontratë të rregullt , ju kemi kërkuar të vijnë të na japin një sqarim, por nuk kemi pasur përgjigje. Nuk kemi parë asnjë letër asnjë kontratë. Nuk kam hallin e politikës por kam hallin e shtëpisë time, nuk kemi dalë për politikë në protestë, shtëpia është e shenjtë, shtëpia është jeta jonë, ne për ate shtëpi jemi copëtuar duke ngrënë bukë thatë, nusja dhe djali im kanë probleme shëndetësore që ju kanë ardhur nga mundi i tyre për të rregulluar shtëpinë. Nuk ka shtet që më gënjen në botë. Nëse më firmos një letër, të më japë një shtëpi që t’i jap një shtëpi, këtu është një skandal i madh”, tha ajo.
Mënyra e trajtimit nga policët, për Nënë Lizën ishte e jashtëligjshme.
