Bashkia e Pukës, e para në Shqipëri që bën të detyrueshme vaksinimin për administratën, kryebashkiaku: Punonjësit të sjellin kartelën e vaksinimit (film)

Puka bëhet bashkia e parë në vend që bën të detyrueshëm vaksinimin kundër COVID-19 për punonjësit e administratës.

Kryebashkiaku i Pukës, Gjon Gjonaj ka nxjerrë një vendim për administratën shtetërore, ku kërkon që punonjësit të sjellin kartelën e vaksinimit kundër COVID-19, ose në të kundërt duhet të paraqesin rezultatet e tamponit çdo javë.

Gjithashtu Gjonaj ka marrë vendimin për rikthimin e dezinfektimeve masive në qytet dhe institucione, për shkak të rritjes së numrit të rasteve gjatë ditëve të fundit. “Kush nuk vaksinohet, çdo javë të sjell rezultatet e tamponit. Është koha të respektojmë jetën”, ka deklaruar Gjonaj.