Bashkia Librazhd ka vendosur që fondin për dekorin e festave te fundvitit ta kalojë për të prekurit nga tërmeti i 26 nëntorit.
Kryetari i Bashkisë së Librazhdit, Kastriot Gurra ka vendosur anulimin e procedurës së prokurimit me objekt “Dekori i qytetit” për festat e fundvitit me numer Reference 45004-11-26-2019, e publikuar ne Agjencinë e Prokurimit Publik, e zhvilluar ne date 27.11.2019.
Bëhet e ditur se i gjithë fondi i parashikuar për dekorin e qytetit sipas kryebashkiakut të Librazhdit do të shkojë në ndihmë të familjeve të prekura nga tërmeti. Bashkia e Librazhdit ndërkohë ka mbledhur dhe dërguar në zonat e dëmtuara nga tërmeti edhe një sasi të konsiderueshme ushqimesh dhe veshmbathjesh.
