Kryetari i Grupit Parlamentar të PS-së, Taulant Balla në Kuvend e ka quajtur ish kryeministrin Sali Berishën një bashkëpunëtor të vjetër të ish diktatorit serb Sllobodan Millosheviç.
Balla u shpreh se në të njëjtën ditë që përkujtohet viktimat e gjenocidit të Srebrenicës, Berisha ka thirrur një protestë në orën 19:00.
“Zotëria që zgjohet vonë dhe vjen këtu të rikujtojë bashkëpunimin e tij të vjetër me Millosheviçin dhe që kërkon që të përdorë çështje të rëndësisë kombëtare për arsye personale, natyrshëm që Kuvendi i Shqipërisë nuk mund të bëhet pis. Shqiptarët e kanë kuptuar që kur ne të mblidhemi këtu në 7 korrik për të kujtuar viktimat e masakrës në Srebrenicë, zotëria (Berisha) ka thirrur protestë. Besoj e kuptoni të gjithë sinqeritetin që ka bashkëpunëtori i Millosheviçit për çështje që lidhen me interesin kombëtar”, tha Balla.
