Duke përdorur retorikën e kryeministrit Edi Rama në Kongresin e PS më 9 prill, ish kreu demokrat Lulzim Basha kërkoi nga SPAK të nisë hetimet për Sali Berishën, për sa kohë është shpallur non grata nga SHBA.
Para gazetarëve, Basha u shpreh se akuza për korrupsion është e rëndë, ndaj SPAK duhet të nisë menjëherë hetimet për të shpallurit non grata.
Pyetja: A duhet që SPAK të nisë hetimet për personat e shpallur non grata?
Basha: Normalisht që po, është një pyetje që unë i jam përgjigjur edhe më parë, nëse ka një akuzë kaq të rëndë nga një vend aleat, atëherë hetimet duhet të jenë shteruese.
Gjithashtu, Basha iu përgjigj pyetjeve të gazetarëve nëse ka vizë amerikane dhe mund të udhëtojë në Amerikë, duke thënë se e ka marrë ftesën nga Escobar, por zhvillimet e fundit nuk e kanë lejuar.
Pyetja: Ju e keni marrë vizën për në SHBA?
Basha: Zoti Escobar më ka ftuar në SHBA, në cilësinë e kreut të PD-së, por ka pasur zhvillime të vrullshme, hedh poshtë çdo pretendim që synon të nxijë këtë që unë po bëj. Unë kam pasur një vizë prej kohësh, nëse do të kërkojë rinovim do e marr.
