Kryetari i PD-së: Referendumi historik sot po përmbysë republikën e vjetër dhe do të ndërtojë atë të renë. Nuk ka zgjedhje pa opozitën. Vetëm zgjedhje të lira me qeveri teknike
ora 12:45 “Ky është referndumi historik” ka thënë Basha në foltoren e protestës së sotme, mes entuziazmit të protestuesve. Kryetari i PD-së Lulzim Basha, kujtoti protestën e 18 shkurtit si pikënisje për të mbërritur deri në atë të sotme, duke theksuar se në këtë protestë janë bashkuar sot 600 mijë shqiptare e mijëra të tjera janë gjithashtu bashkë me këtë shesh të protestës kundër qeveris ëpër “republikën e re”.
” Jemi mbledhur për ndryshimin më të madh në 27 vite të historisë . Gjithçka duhet të ndryshojë dhe falë bashkimit tonë, qëndresës tuaj, me ndihmën tuaj gjithçka do të ndryshojë. Asgjë nuk do të jetë si më parë. Republika e vjetër sot shpallet objekt i arkivit të Muzeut Historik Kombëtar. Ne shqiptarët e bashkuar nuk e pranojnë, nuk e njohim dhe nuk do ta njohim më republikën e vjetër të krimit e dorgës . Republika e vjetër bëhet gati për vjedhjen e zgjedhjeve të ardhshme që shqiptarët të mos kenë një parlament të diktuar nga vota e tyre, por të diktuar nga krimi. Ne jemi bashkuar për ti thënë ndal. Kemi thënë se zgjedhje pa opozitën nuk ka e nuk do të ketë. Zgjedhje me krimin nuk ka e nuk do të ketë. Do të ketë vetëm zgjedhje të lira e të ndershme me një qeveri teknike”, tha Basha.
Është mbushur plot me protestues bulevardi “Dëshmorët e Kombit” ndërkohë që podiumi ku do të flasë lideri i opozitës është ngritur pranë çadrës para kryeministrisë. Mijëra njerëz kanë mbushur sheshin ndërsa në podium kanë dalë qytetarë ku më pas pritet të flasin drejtues të PD dhe lideri i tyre Basha.
https://www.youtube.com/watch?v=x_0h3mQbof0
