“Nëse do ketë dialog politik ky nuk do kthehet kurrë në një pazar të pisët të disa politikanëve të opozitës dhe mazhorancës, por do jetë dialog politik për zgjedhje të lira dhe të ndershme”.
Kështu iu përgjigj kryetari i Partisë Demokratike Lulzim Basha ftesës së mbrëshme që Rama i bëri liderit të opozitës për dialog.
Duke folur nga çadra në ditën e 47 të protestës, Basha tha: “Republika e Re fillon me zgjedhje të lira dhe të ndershme. Republika e Vjetër është komploti më i madh ndaj qytetarëve shqiptarë, bëjnë teatër kukullash nga mëngjesi deri në darkë që të zhvatin shqiptarët, komplot ndaj çdo qytetari”.
Më tej Kreu i PD-së e quajti kryeministrin Rama dhe ministrat e qeverisë “hajdutë” dhe përfaqësues të Republikës së Vjetër që kanë një mision, sipas tij të mbajnë me çdo kusht pushtetin që të vazhdojnë të vjedhin me çdo kusht Shqipërinë.
