Kreu i Partisë Demokratike, Lulzim Basha e ka konsideruar kandidatin e selisë blu për Durrësin, Luan Hotin si shembullin më të mirë të një kulture të re politike me fytyrë njerëzore.
Teksa ka ndarë foto nga takimi i zhvilluar sot me drejtuesit e bordit të Dhomës së Tregtisë dhe Industrisë së Durrësit, Basha shkuan se dialogu me qytetarët dhe faktorët ekonomikë është modeli i politikës me fytyrë njerëzore, që dëgjon dhe shërben me qytetari, larg konfliktit dhe gjuhës përçarëse.
“Bashkë me kryetarin e ri të Bashkisë së Durrësit, Luan Hoti diskutuam me drejtuesit e bordit të Dhomës së Tregtisë dhe Industrisë së Durrësit për sfidat dhe potencialet e jashtëzakonshme të këtij qyteti të mrekullueshëm. Dialogu me qytetarët dhe faktorët ekonomikë është modeli i politikës sonë me fytyrë njerëzore, që dëgjon dhe shërben me qytetari, larg konfliktit, baltosjes dhe gjuhës përçarëse. Kandidati i Partia Demokratike e Shqipërisë për Durrësin është shembulli më i mirë i kësaj kulture politike, që përmes vlerave dhe shpirtit sipërmarrës, do shërbejë me integritet për të garantuar normalitetin e munguar dhe një zhvillim gjithëpërfshirës të qytetit”, shkruan Basha në Facebook.
