Autoriteti Rrugor Shqiptar njofton se prej orës 17:30 të pasdites së sotme qarkullimi nga Durrësi në drejtim të Tiranës bëhet normalisht pas përfundimit të punimeve për vendosjen e ndarëseve mes korsive. Ndërkohë që nesër do të punohet në sensin nga Tirana në drejtim të Durrësit dhe qarkullimi do të bëhet me një korsi.
“Përfundoi vendosja e barrierës mbrojtëse – guardrele tek Fordi km 7.3. Sot në orën 17:30 hapet rruga dhe qarkullimi i mjeteve bëhet me 2 korsi në drejtim të Tiranës. Nesër datë 27.01.2019 në orën 8:00 vijon puna për vendosjen e guardrelave tek City Park km 8.6 në Autostradën Tiranë-Durrës dhe kalimi i mjeteve në drejtim të Tiranës do të jetë përsëri me një korsi në këtë pikë të rrugës” njofton ARRSH-ja.
Kjo është ndërhyrja e tretë që bëhet në autostradën Tiranë-Durrës brenda pak muajve, pasi në verë u bë riparimi i shtresave asfaltike, në fillim të këtij viti u vendosën tombinat për të shmangur përmbytjet, ndërsa tashmë po vendosen ndarëset.
