Sipas Washington Times, Barack Obama cilësohet si ish-Presidenti më i shtrenjtë në historinë e Shteteve të Bashkuara të Amerikës.
Buxheti i kërkuar nga Obama është 1 milionë e 153 mijë dollarë, thënë ndryshe 100 mijë dollarë më shumë nga sa ka kërkuar George W. Bush në vitë.
Ligji për ish-Presidentët parashikon që përveç pensionit, ish-Presidentët kanë të drejtë të kenë një zyrë si dhe disa mbulime financiare, mes tyre edhe udhëtime.
Kostoja më e madhe shkon për zyrën, pasi ajo e Obamës në Washington, kushton 536 mijë dollarë, më shumë se e çdo ish-Presidenti tjetër.
Zyra e Bill Clinton në New York, ndonëse është më e madhe se e Obamës kushton 518 mijë dollarë, ndërsa ajo e George W. Bush në Dallas kushton 497 mijë dollarë.
