Banorët e Divjakës kanë bllokuar për disa minuta autostradën Lushnje-Fier, në shenjë proteste për vendosjen e barrierave metalike në kryqëzimin e njohur si “pushimi i shoferit”.
Bllokimi ka sjellë disa km varg makinash nga të dyja krahët e rrugës Lushnjë dhe Fier. Pas negociatave me policinë rruga është liruar.
Arsyeja se përse qytetarët bllokuan rrugën, u bë mbyllja e kryqëzimit nga Autoriteti Rrugor Shqiptar ditën e djeshme. Ky kryqëzim ka shërbyer si nyjë lidhëse nga autostradë në drejtim të qytetit të Divjakës si dhe nga autostrada në njësitë administrative Krutje, Allkaj, Bubullimë, Fiershegan e më tej për në Kuçovë e Berat.
