Banorët e njësisë administrative Suç të Klosit kanë kundërshtuar ngritjen e 5 HEC-ve nga kompania SEKA Hidropower dhe përzunë përfaqësuesit e kompanisë.
“Prona është e shenjtë mos hyr më këtu. Me shkop në dorë luftojmë për brezat”, u shprehen disa nga banorët.
Pasi përfaqësuesit e kompanisë u larguan, banorët thanë se nuk do të lejojnë për asnjë arsye që të ndërtohen këto HEC-e që nisin nga liqenet e Balgjajt deri në lumin Mat.
“Që në 2006 kanë filluar përpjekjet për të na marrë uji. I bie që të ikim të gjithë.I bie të jemi të vdekur nëse na marrin ujin. Mos vijë më se do ta pësojnë më keq.”, janë disa nga qëndrimet e banorëve.
Banorët kanë dorëzuar edhe një peticion me 640 firma në Ministrinë e Energjitikës ku kërkojnë anulimin e projektit të ndërtimit të heceve.
