Një pallat 5 katësh në Laç nuk është inspektuar ende nga ekspertët. Vetëm përfaqësues të Bashkisë së Kurbinit ju kanë thënë banorëve që të mos hyjnë në apartamentet e tyre deri sa të bëhen verifikimet e plota. Banorët të indinjuar thonë se dëmet janë të mëdha dhe po bëhet gati dy javë pas tërmetit që ata nuk hyjnë dot brenda, sepse nuk kanë garanci për jetën e tyre.
Banorët e pallatit 106 për shkak se nuk kanë pasur asnjë vëmendje nga institucionet shprehen se mund të ketë diçka të dyshimitë që deri më tani nuk është marrë asnjë masë.
“Na thonë mos hyni në shtëpi po nuk kanë vënë ende një shenjë për të qënë më të sigurt se është i pabanueshëm a jo”, shprehen banorët.
Në këtë pallat jeton dhe nënprefekti i Kurbinit, po me sa duket dhe ai nuk e ka vënë ujin në zjarr që inspektimet të përshpejtohen.
